Mae Gwobrau Busnesau Cymdeithasol Cymru wedi cyhoeddi’r unigolion a’r sefydliadau sydd wedi cyrraedd rhestr fer ar gyfer eu wythfed seremoni gwobrwyo. Bwriad y gwobrau yw dathlu llwyddiant mentrau a busnesau sy’n gwneud gwahaniaeth mewn cymunedau ar draws Cymru gan fesur eu llwyddiant yn ôl y budd y maent yn ei ddarparu i bobl ar lawr gwlad. Mae’r gwobrau yn rhan o brosiect Busnes Cymdeithasol Cymru sy’n cael ei ariannu gan Lywodraeth Cymru.
Mae yna 6 categori o wobrwyau, sy’n dathlu gwahanol elfennau ar fusnesau cymdeithasol yng Nghymru. Mae’r rhestr enwebiadau fel a ganlyn:
Menter Gymdeithasol y Flwyddyn (noddwyd gan Dŵr Cymru)
Gwobr i fentrau cymdeithasol sydd wedi bod yn weithredol ers 2 flynedd ac sy’n rhagori ar ddangos gweledigaeth strategol, wedi eu rheoli’n dda ac sy’n ymrwymedig i gael effaith gadarnhaol ar y gymuned ehangach.
Wedi eu henwebu mae:
- Câr-y-Môr
- Galeri Caernarfon Cyf
- Partneriaeth Ogwen
Un i Wylio (noddwyd gan Dŵr Cymru)
Gwobr i fentrau cymdeithasol newydd, sydd wedi bod yn weithredol ers llai na 2 flynedd hyd at fis Ebrill 2023 ac sy’n mynegi gweledigaeth ehangach o’u pwrpas a’u hamcanion ar gyfer y dyfodol ac sy’n dangos sut y maent am gael eu cyflawni yn glir ac argyhoeddedig.
Wedi eu henwebu mae:
- Menter y Glan
- Signposted Cymru
- The Bike Lock
Meithrin Amrywiaeth, Cynhwysiant, Tegwch a Chyfiawnder (noddwyd gan The Co-op)
Gwobr i’r mentrau cymdeithasol rheini sy’n amlwg yn mynd i’r afael a cheisio sicrhau cyfiawnder cymdeithasol.
Wedi eu henwebu mae:
- Inside Out Wales
- NeuDICE CIC
- Outside Lives
Hyrwyddwr Menywod Mentrau Cymdeithasol
Gwobr sy’n cydnabod cyfraniad menyw sydd yn gweithio fel un o arweinwyr menter gymdeithasol neu sefydliad sydd yn cefnogi mentrau cymdeithasol.
Wedi eu henwebu mae:
- Hannah Pugh, Holistic Hoarding
- Eleanor Shaw, People Speak Up
- Lucy Powell, Outside Lives Ltd
Menter Cymdeithasol yn y Gymuned (noddwyd gan Legal and General)
Gwobr ar gyfer mentrau cymdeithasol sydd wedi bod yn weithredol am 2 flynedd neu fwy ac sydd yn cael effaith sylweddol yn lleol.
Wedi eu henwebu mae:
- Câr-y-Môr
- Fforwm Arfordirol Sir Benfro
- With Music in Mind
Arloesiad y Flwyddyn gan Fenter Gymdeithasol (noddwyd gan Prifysgol Cymru y Drindod Dewi Sant)
Gwobr sy’n cydnabod menter gymdeithasol sy’n cynnig cynnyrch neu wasanaeth arloesol.
Wedi eu henwebu mae:
- Câr-y-Môr
- Creu Menter
- SimpLee Swim Ltd
Cynhelir y noson wobrwyo yng Nghaerdydd ar 18 Hydref. Mae pob enillydd wedyn yn cynrychioli Cymru yng Ngwobrau Menter Gymdeithasol y DG a gynhelir ym mis Rhagfyr. Am fwy o wybodaeth am y rheini sydd wedi enwebu, dilynwch y ddolen hon.
